Журналдың редакциялық саясаты
«Әл-Фараби» әлеуметтік-гуманитарлық зерттеулер журналы 2003 жылдан бастап шығарылады.
Журнал – қазіргі заманғы әлеуметтік гуманитаристика саласындағы философиялық, саясаттанулық және рухани-танымдық өзекті мәселелерді талқылауға арналған қазақстандық ғылыми басылым және ашық пікірталас алаңы.
Журнал зерттеуші ғалымдардың, жоғары оқу орындары мен колледждердің профессор-оқытушылар құрамының кәсіби деңгейін арттыруға, сондай-ақ философиялық, саясаттанулық және әлеуметтік-гуманитарлық білімді кең оқырмандар арасында таратуға ғылыми қолдау көрсетеді.
Басылымның негізін қалаушы – Қазақстан Республикасы Ғылым және жоғары білім министрлігінің Ғылым комитетіне қарасты Философия, саясаттану және дінтану институты.
Журнал Қазақстан Республикасының заңнамасына сәйкес ғылыми-жарияланымдық қызметті жүзеге асырады. Оның мұқабасы, титулдық беттері, мерзімді басылым ретінде есепке алу куәлігі, негізін қалаушысы, ISSN, жазылу индексі, нөмірдің шығу мәліметтері, редакциялық алқа құрамы, халықаралық редакциялық кеңес және веб-сайты көрсетілген мазмұны бекітілген.
Журналда жарияланған мақалалар CrossRef деректер базасында тіркеледі және әр мақалаға DOI – сандық нысан идентификаторы беріледі, ол құжаттарды дәйексөзге алу, сілтеме жасау және электрондық құжаттарға қол жеткізуді қамтамасыз ету үшін қолданылады.
Журнал «Ұлттық мемлекеттік ғылыми-техникалық сараптама орталығы» АҚ-ның Қазақстандық дәйексөздер базасында (ҰМҒТСО) индекстеледі.
Басылым Өзбекстан Республикасының Жоғары аттестациялық комиссиясы тарапынан 09.00.00 – Фәлсафа фанлари мамандығы бойынша диссертациялардың негізгі ғылыми нәтижелерін жариялауға ұсынылған (Қараңыз: Өзбекстан Республикасы Жоғары аттестациялық комиссиясы Президиумының қаулысымен бекітілген диссертациялардың негізгі ғылыми нәтижелерін жариялауға ұсынылған ғылыми басылымдар тізімі. – Ташкент, 2019. – 79-бет. Сілтеме: [http://www.salohiyat.oak.uz/userfiles/files/Perechen-2019.pdf](http://www.salohiyat.oak.uz/userfiles/files/Perechen-2019.pdf)).
Журналдың редакциялық алқасы мен халықаралық редакциялық кеңесіне танымал және беделді қазақстандық және шетелдік ғалымдар кіреді.
«Әл-Фараби» журналының редакциялық саясаты ақпараттық ашықтық, ғылыми мазмұндылық және авторлық жарияланымдардың қолжетімділігі қағидаттарына негізделген. Мақалалар баспа және электрондық форматта жарияланып, сайтта толық мәтінді қолжетімділікте орналастырылады.
Журналдың мақсаты
«Әл-Фараби» журналының басты мақсаты – қазақстандық ғылымның әлеуметтік-гуманитарлық интеллектуалдық капиталын дамытуға және оның әлеуметтік маңыздылығын арттыруға ықпал ету.
Журналдың міндеттері
- Ғылыми қауымдастықты қазіргі әлеуметтік-гуманитарлық білімнің өзекті салаларындағы соңғы зерттеулермен таныстыру;
- Қазақстандық зерттеулердің ғылыми-теориялық және әдіснамалық деңгейін арттыруға ықпал ету;
- Қазіргі заманғы әлеуметтік-гуманитарлық дискурс аясында диалогтық стратегияны дамытуға қолдау көрсету;
- Ғылым мен практиканың байланысын нығайтуға, сондай-ақ демократиялық өзгерістерге идеологиялық қолдау көрсетуге жәрдемдесу.
Журналдың тақырыптық бағыттары
Журнал келесі тақырыптық бағыттар бойынша ғылыми-публикациялық қызметті жүзеге асырады:
- Қазіргі және тарихи ретроспективадағы философия;
- Тарих толқынындағы қазақ философиясы;
- Далалық өркениет келбеті;
- Әл-Фараби мұрасы: аудармалар мен зерттеулер;
- Шығыс – Батыс: мәдениеттер мен дәстүрлер диалогы;
- Адам өмірінің құндылықтары;
- Ғаламдану және мәдениетаралық коммуникация;
- Қазіргі қоғам: бірегейлік, жаңғыру, болашақ;
- Қазақстан: қазіргі саяси ахуал;
- Саяси ғылым: теория, әдіснама, тәжірибе;
- Дін және қазіргі заман;
- Ислам және қазіргі әлем;
- Қазақстанның өзекті мәселелерін философия, саясаттану және дінтану жетістіктерін біріктіре отырып пәнаралық зерттеулер;
- Сын және библиография;
- Ғылыми өмір.
Еркін қолжетімділік және материалдарды мұрағаттау саясаты
«Әл-Фараби» әлеуметтік-гуманитарлық зерттеулер журналы өзінің контентіне ресми веб-сайтында ашық қолжетімділікті ұсынады. Веб-сайттың мекенжайы: https://alfarabijournal.org/ Сайттағы барлық ақпарат үш тілде – қазақ, орыс және ағылшын тілдерінде беріледі, бұл сайт мазмұнына тек қазақстандық қана емес, сондай-ақ шетелдік ғалымдар мен оқырмандар үшін де ақпараттық қолжетімділікті қамтамасыз етеді. Сайтта журналдың редакциялық саясаты, мақсаты мен тақырыптық бағыттары, мақалаларды жариялау шарттары, рецензиялау саясаты, жарияланым этикасы, редакциялық алқа мен халықаралық редакциялық кеңестің құрамы туралы ақпарат, сондай-ақ сайт қонақтарын қызықтыратын басқа да мәліметтер орналастырылған. Авторлар мен оқырмандар журналдың ағымдағы нөмірінің электронды нұсқаларымен, сондай-ақ журналдың өткен жылдардағы нөмірлерінің мұрағатымен таныса алады. Журналдың барлық электрондық басылымдары тегін таратылады.
Құпиялылық шарттары
Авторлар туралы деректер журналдың «Біздің авторлар» айдарында жарияланады. Олар келесі мәліметтерді қамтиды: аты-жөні, жұмыс орны, атқаратын қызметі, ғылыми дәрежесі және атағы. Журналдың редакциялық алқасы рецензенттерге мақаланың авторы (авторлары) туралы және авторға (авторларға) рецензенттер туралы мәліметтерді жария етпеу құпиялығын сақтайды. Сондай-ақ қаралып жатқан мақалалар туралы үшінші тұлғаларға ақпарат берілмейді.
Шығу жиілігі
Журнал жылына 4 рет шығады. Басылымның тілі – қазақ, орыс және ағылшын тілдері.
Жарияланған материалдар редакциялық алқаның көзқарасын міндетті түрде білдірмейді. Редакция сапалы мақалаларды іріктеу құқығын өзіне қалдырады және ұсынылған материалдардағы ақпараттың шынайылығы үшін жауапкершілік алмайды.
Журналдың редакциялық саясаты «Әл-Фараби» журналының редакциялық алқасының 2020 жылғы 23 желтоқсандағы отырысында талқыланып, бекітілді. №5 хаттама, 2020 жыл.
