Аңдатпа

Мақалада тілдік коммуникaцияның генезисі, өзекті мәселелері және олардың негізінде қалыптасқан ғылыми бағыттар талданды. Заманауи қоғамдағы коммуникaциялық проблемалардың және ақпараттық-коммуникациялық процестердің әлеуметтік-мәдени мәнін ашу, әлеуметтік пайдалы, кәсіби маңызды және бос ақпарат арасындағы жік пен тереңдікті аңдау, ажырату  мақсаты қойылды.

Философияның адамзат тарихындағы атқаратын миссиясы ерекше, олар:  ойлаудың жаңа тәсілдерін анықтау, адамдардың құндылық көзқарастарына әсер ету, жеке тұлғаны рухани-адамгершіліктік жетілу процесіне ынталандыру, ақыл-ой мен ұтымды білімнің маңыздылығын негіздеу, тб. міндеттер.  Бұл процесс жаһандану дәуіріндегі ақпараттық қоғамдарда мәдени  лингвистикалық кодтар мен хабарламалардың ғаламдық желісі арқылы іске асады. «Ақпараттық қоғам» атты ХХ ғасырда іске асқан жаңа ғылыми парадигма  әлеуметтік-гуманитарлық білім саласымен қатар, дүниенің әлеуметтік-философиялық бейнесіне әсер етіп, ғылыми идеялардың бүкіл жиынтығына  коммуникативті, лингвистикалық, риторикалық дискурсивті бетбұрыс жасауда. «Коммуникация» ұғымы әлеуметтік және ақпараттық теорияларда шешуші орынды иеленіп, жаһандану процесі мәдени бірегейлікке деген ұмтылысты ушықтыра түсіп, әлеуметтік философияда  тілдік коммуникацияның маңызы артуда. Әлеуметтік-мәдени процестердің тілдік коммуникациядағы бейнеленуі, тіл мәселесін талдаудың заманауи-лингвистикалық парадигмалары, қоғамның ақпараттануының тілдік коммуникацияға әсері мен цифрландыру процесінің тілдің дамуына оң және теріс ықпалдарын, коммуникативті принциптер мен негізгі ерекшеліктерді анықтау, ұлттық тілдің функциясын кеңейту және мемлекеттік мәртебесін арттыру кезеңінде - философияның басты назарында тұрған негізгі мәселе.

Ақпараттық кеңістік пен коммуникациялық технологиялардың дамуы заманында тілдік коммуникация адам мен қоғамға барынша кең ықпал етуіне байланысты оны барынша ұтымды пайдалану, методологиялық негіздері туралы оңтайлы түсінік қалыптастыру  мәселелері  қарастырылды.

Түйін сөздeр: тіл философиясы, тілдік коммуникaция, лингвицизм, пaрaлингвистикa, лингвистикaлық коммуникaция, ұлттық рух, ұлттық тіл.