Аңдатпа

Мақалада діни білім деңгейін анықтау және діни сауаттылық пен толеранттылықты қалыптастыруға қатысты мәселелерді зерттеу мен шешудің негізі ретінде діндарлық мәселесін зерттеудің әдіснамалық тәсілдері қарастырылған.

Бұл мақаланың мақсаты – анықталған мәселені зерттеу барысында ғылыми-теориялық тәсілдерін жүйелеуге және зерттеуге байланысты әдістемелік мәселелерді анықтау болып табылады. Мақалада діни сауаттылық пен толеранттылық мәселесін қазіргі жастардың діни санасының трансформациясы контекстінде қарастыру қажеттілігі негізделеді. Қазіргі мәдениеттегі діни ренессанстың анықталған себептері діндарлықты арту себептерін ашатын тереңірек зерттеу қажеттігін алға тартады. Авторлар діндарлықты өлшеудің мүмкіндіктері мен кемшіліктерін зерттеп, көп өлшемді және бір өлшемді модельдерін ұсынды, сонымен қатар анықталған мәселені сапалы талдау қажеттілігіне назар аударды.

Қолданыстағы әдістер, әдетте, сандық талдауға назар аударады, ішкі мотивациялар мен нұсқауларды зерттеу шеңберінен тыс қалдырады. Діндарлықтың, демек, діни сауаттылық пен толеранттылықтың маңызды аспектілерін аша алатын жан-жақты және сапалы талдау әдістеріне көшу қажеттілігі атап өтіледі. Бұл ғылыми зерттеулердің сапасын арттырып қана қоймай, қоғамдық дамудың ағымдағы және болашақ мәселелерді шешуге де оң әсерін тигізеді.

Бұл тақырыптың маңыздылығы діндарлықтың сандық және сапалық аспектілерін ескере алатын интеграциялық тәсілдер жасауға бағытталған зерттеулерді талап етеді, бұл өз кезегінде толерантты және өзара бірін-бірі түсіне алатын қоғамды қалыптастыруға ықпал етеді.

Түйін сөздер: дін, діндарлық, діни сауаттылық, толеранттылық, діни сәйкестендіру, жастар, постсекулярлық қоғам.