Аңдатпа

Авторлар мақалада заманауи қазақстандық қоғамдағы құндылықтық бағдарларға цифрлық технологиялардың әсерін қарастырып, ұлттық бірегейліктің қалыптасу үдерісіне ерекше назар аударады. Пәнаралық тәсілді қолдану арқылы цифрландырудың рухани құндылықтарға тигізетін ықпалын талдаумен қатар, дәстүрлі мәдени нормалар мен техногендік идеалдар арасындағы негізгі қайшылықтарды анықталып, сондай-ақ олардың ықтимал конвергенция механизмдерін зерттелінген.

Цифрлық бірегейліктің қалыптасу ерекшеліктері мен оның қазақстандық жастардың әлеуметтік ұстанымдары мен мінез-құлықтық модельдеріне әсері жан-жақты қарастырылады. Сонымен қатар, ғаламдық ақпараттық кеңістікте ұлттық бірегейліктің әлсіреу қаупі, цифрлық платформалар мен әлеуметтік желілердің қоғамдық санаға ықпалы, коммуникация мен ақпарат тұтынудың жаңа формаларының таралуы, олардың құндылықтық басымдықтарға әсері сияқты өзекті мәселелер талданған.

Авторлар цифрлану жағдайында дәстүрлі рухани және мәдени құндылықтарды сақтау мен бейімдеудің болашағын қарастырумен қатар, ұлттық бірегейлік пен цифрлық инновацияларды үйлесімді ұштастырудың ықтимал стратегияларын ұсынады. Цифрлық трансформация саласындағы мемлекеттік саясат мәселелеріне, сондай-ақ мәдени тұрақтылықты нығайтудағы білім беру және ағартушылық бастамалардың рөліне ерекше көңіл бөлінеді.

Осылайша, бұл зерттеу цифрлық технологиялар дәуіріндегі құндылықтық бағдарлардың өзгеру үдерісін түсінуге үлес қосып, өзгерістер жағдайында ұлттық бірегейлікті сақтау мәселесін өзектендіре түседі.

Түйін сөздер: цифрландыру, технологиялар, құндылықтар, бірегейлік, трансформация, мәдениет, заманауи әлем, желілік бірегейлік, жаңа жүйе.