Аңдатпа

Бұл мақалада миф шығармашылығының философиялық негіздері назарға алынып, олардың тек қазақ мемлекеттілігінің репрезентациясына ғана емес, сонымен қатар ұлттық сана-сезімнің қалыптасуына, биліктің заңдастырылуына және тарихи баяндаудың құрылуына әсер ететін негізгі механизмдердің бірі ретінде қарастырылады. Қазақ мемлекеттілігі туралы дискурста қолданылатын мифологиялық бейнелер, символдық құрылымдар және олардың интерпретациялары талдана отырып, мифтің тарихи жады мен мәдени сабақтастықты біріктірумен қатар, жаңғыру жағдайында жаңа ұлттық мифтерді қалыптастыру қабілетіне ие әлеуметтік конструкциялау құралы ретінде қалай жұмыс істейтіні зерттеледі. Ерекше назар мифтің философиялық тұжырымдамалары мен мемлекеттіліктің тарихи контексте өзгеру механизмдерінің өзара байланысына аударылады. Бұл билікті, дәстүрді және егемендікті мифологиялық тұрғыдан қабылдаудың заңдылықтарын анықтауға, сондай-ақ жаһандану мен жаңғырту процестерінің мифтік санаға тигізетін ықпалын зерттеуге мүмкіндік береді.

Түйін сөздер: миф шығармашылығы, миф философиясы, қазақ мемлекеттілігі,
ұлттық бірегейлік, тарихи баяндау, мәдени сабақтастық, билікті заңдастыру, жаңғырту.