DOI:
Мақалада «әдеттегіден кейінгі» шындыққа көшуден туындаған құндылықтар жүйесінің трансформациясы талданады. Пандемияға байланысты әлем «шекаралық жағдайға» тап болды, өмірлік маңызды мәселелерге назар аударылғанда құндылықтық өзгерістерді философиялық пайымдау қажеттігі туындайды. Күн тәртібіне – өмірдің құндылығы, тұтынушылық стандарттарды жою, ынтымақтастық пен өзара көмектің моральдық императивтерін жандандыру туралы мәселелер алға шықты. «Әдеттегіден кейінгі» шындық – бұл әлемді жаңарту және тазарту, әлемдегі адам болмысының рухани-адамгершілік қағидаларын жандандыру. Денсаулық мәдениеттің құндылығы ретінде қоғамның рухани климатының жиынтығы, агрессиядан, ашкөздіктен арылу, қазақтардың дәстүрлі мәдениетінің құндылықтарына қайта оралу болып табылады. Мақалада Макс Вебер зерттеуі бойынша, «идеал – типтік образ» ретінде әрекет ететін бір қазақстандық отбасының үш ұрпағының болып жатқан оқиғаларына деген көзқарастарын талдаған сарапшының зерттеу нәтижелері мен қорытындысы келтірілген.
Түйін сөздер: адам, пандемия, әдеттегіден кейінгі шындық, өмірлік әлем, құндылықтардың трансформациясы, вакцинация, ынтымақтастық.