Аңдатпа

Бұл зерттеу қазіргі қоғамның ең өзекті мәселелерінің бірі - құндылықтар жүйесінің бірегейлену үдерістеріндегі және мемлекеттің ұлттық қауіпсіздігін қамтамасыз етудегі рөліне арналған. Қазіргі әлем көптеген факторлардың ықпалымен жалпыға ортақ құндылықтық бағдарлардың әлсіреуі, дәстүрлі қоғамдық мұраттарға деген сенімнің төмендеуі, моральдық қағидаттардың тұрақсыздануы, құқықтық тетіктердің әлсіреуі, тұтынушылық мәдениеттің қалыптасуы және басқа да үдерістермен сипатталатын аксиологиялық дағдарысты бастан өткеруде. Осыған байланысты құндылықтар жаңғыртылып, өзгермелі жағдайларға бейімделуде. Сонымен қатар, адам тұлғасының тұтастығын әлсірететін, оны жоғары бейімделу деңгейін қамтамасыз ететін икемді, өзгермелі әрі көпқырлы құрылымға айналдыратын көптік бірегейліктің қалыптасу үдерісі қатар жүруде.

            Осы мақаланың мақсаты - ұлттық қауіпсіздікті қамтамасыз ету үдерістеріне ықпал ететін фактор ретінде көпқырлы бірегейліктің қалыптасуы жағдайында қазақстандық қоғамның құндылықтар жүйесін талдау. Мақалада мынадай зерттеу сұрақтары қойылады: қоғамдық дамудың факторы ретіндегі құндылық дегеніміз не, құндылықтардың трансформациясы, бірегейлену үдерістері мен ұлттық қауіпсіздік өзара қалай байланысады, көпқырлы бірегейліктің қалыптасуы ұлттық қауіпсіздікті қамтамасыз ету үдерістеріне қалай әсер етеді, цифрлық құралдарды пайдалану арқылы қазақстандықтардың жаппай санасына сыртқы және ішкі ықпал етудің ұлттық қауіпсіздік үшін қандай сын-қатерлері мен тәуекелдері бар.

            Түйін сөздер: құндылықтар, бірегейлік, қоғамдық консенсус, ұлттық қауіпсіздік, ақпараттық ықпал.